Hmangaihna Dik

Mathaia  24:12  Tin, sual a la pun dawn avangin mi tam zawk hmangaihna chu a la dai ang.

I Korinth 13:8  Hmangaihna hi engtikah mah a reh lo vang; amaherawhchu thu hrilhnate hi awm mah sela tihban a la ni ang a, tawng hriat lohte hi awm mah sela a la bang ang a, hriatna hi awm mah sela tihban a la ni ang.

       Mathaia ziakah kan hmuh ang hian Lal Isua khan mi tam tak hmangaihn a la daih tur thu min hrilh a, he thu hi ngun takin han ngaihtuah ila, korinth ziaka kan hmuh leh ang hian hmangiahna chu engtikahmah a reh loh tur thu min hrilh ve bawk. Heng thute hi a inkalh em ni tiin zawhna han siam ta ila, a chhanna chu hengthute hi a inkalh lo, inkalh angin a lang mai chauh a ni.A inkalh lova, thuhmun an sawi zawk a ni.

      

       Mathaia ziaka kan hmuh hmangaihna hi chu mihring atanga chhuak hmangaihna ani a, chu hmangaihna chu a la dai ngei dawn a ni lo va, a dai mek zawk a ni, nakinah nilovin tunah pawh hian a dai mek zel zawng a nih hi. Bible ah hetiang deuh hian thu tam tak sawi a ni a, a chhan chu chhiar liam puata hriathiam theih mai loh, bih chian leh chhut chianga hriatthiam chauh theih tam tak a awm a ni. Chumi awmzia chu chhut neuh neuh a, bihchiang hi min duhsak vang zawk a ni.

         Mihring hmangihna hi chuan rei a daih lohzia chu hrilh nawn fo ngai lovin mitin hian kan hrechiang hle awm e. Kan hmangiahna neih ve hi chu tawp chin nei a ni a, kin ni a nei a, huam chin a nei bawk. Chu hmangaihna chu Lal Isuan a la dai ang tiin a lo sawi zawk a ni. Tunlai khawvel inher danglam zelah hian thiamnate lo sang chho zelin naupangte pawh an fingin thil an thiam chak em em a, hman lai mite ai chuan tunlai mite hi an fing a, thil an thiam chak em em bawk a, a chhe lamah pawh hma kan sawn mek zel a ni.

        Tunlaiah hian mi tamtak hmangaihna chu a dai mek zel a, nu leh fa, pa leh fa, u leh nau in tui thlar, nu leh pa inthennate a so sang zual zel a, khawvel hian chhiat lam chu a pan zel zawng a nih hi! Chu ngei chu a ni Lal Isuan a lo sawi chhan ber chu, mi tam zawk hmangiahna a la dai ang a tih ni! mahse mi zawng zawng a ti lo a, mi tam tak a ti mai chauh a ni.

  

        Chutih lai chuan Koringth ziaka kan hmuh ang hian hmangaihna chu a reh lovang a lo ti ve bawk. Chu mi awmzia chu hmangaihn dik chu engtikahmah a reh/dai ngai dawn lo tihna a ni. Mathaia ziaka "a dai ang" a tih hmangaihna hi chu dai thei hmangaihna a ni a, Korinth ziaka mi ve thung chu dai thei ve lo hmangiahna a ni . Chu mi awmzia chu mi tam takin hmangaihna dik an zawng tawh lo va, tun lai tun lai na hian an nun a luah khat zo tawh zawk vangin, hmangaihna dik aiin hausak leh ropuina an zawng zawk a, hmangaina dik chu nei tlemte chauh an awm tawh ang a tih ang tluk a ni.

        Hmangaihna chu a reh dawn reng rengg lo va, mi tam tak hmangaihna erawh a dai ve thung dawn a ni . kan sawi tawh ang in mi zawng zawgn chu an ni lo kan tih tawh kha. Mi tam tak hmangiana chu a la dai ngei dawn a, hun hnuhnung kan hman mekah hian chu chu a dik chho zel chu a nih hi, mi tam tak hmangaihna chu a lem a ni a, miten a tak aiin thil dang an ngai pawimawh tawh zawk vangin hmangaihna dik chu zawng a hlawh tawh lova, a lem hi a tam em em taawh mai zawng a nih hi.Mahse engtiang pawhin a lem hmangaihna chu lo tam sek sek hmangaihna dik tak chu englai mahin a nghing ngai lova, a dai dawn bawk hek lo tih hi hriat reng a tha awm e. Tuna i hmangaina kawl mek kha hmangaihna dik nge, hmangaihna dik lo, a dik lo zawk i kawl chan  tawp chin a nei thuai ang. Huam chin nei hmangaihna i neih chhung chuan i hmangaihna chuang huam chin a nei ngei ang. Nangma awm dan leh i chetchhuah dan khan i hmagaihna dik leh dik lo chu a ti chiang thei dawn a ni.

        Hmangaihna chu eng hmangaihna pawh nise, mihring hmangaihna a ni emaw, nula leh tlangval hmangaina a ni emaw, unau inkar hmangaihna a ni emaw, nu leh pa, pa leh fa, nu leh fa inkar hmangaihnate pawh ni rawh se, a pawimawh ber zawk chu i hmangaihna chu chunglam a tang a ni em? I hamngaihna chu lal Isuaah a ni em tih hi a pawimawh ber zawk chu a ni. Lal Isua atang hmangaihna a nih loh chuan rei lovah a chuai leh mai thin ang.Lal Isua atang ni lo, mihring hamngaihna mai zawng nakinah ni lo tunah pawh hian a dai mek zel anih hi. Mahse Lal Isua a tanga hmangaihna erawh chu engtikah mah a dai ve ngai lo a, a parchhuak zawk thin a ni.